Një anije autonome pa pilot nis një udhëtim përtej Atlantikut

Një anije plotësisht autonome së shpejti do të fillojë udhëtimin përtej Atlantikut dhe nuk do të ketë asnjë ekuipazh në bord.

Është një anije e quajtur Mayflower 400, e cila do të lundrojë 5,630 km nga Plymouth në Mbretërinë e Bashkuar për në Massachusetts në SHBA dhe do të kryejë eksperimente shkencore gjatë udhëtimit të saj 12-ditor.

Anija operohet nga softueri i zhvilluar në bashkëpunim me IBM, i cili vepron si një “kapiten dixhital”.

Anija përdor radar standard dhe GPS për lundrim, si dhe gjashtë kamera që shërbejnë si “sytë” e saj dhe e lejojnë atë të shmangë anijet e tjera dhe rreziqet e mundshme.

Për shkak të faktit se nuk ka ekuipazh, as nevojën për të ruajtur gjërat dhe ushqimin, hapësira u përdor për teknologji.