Për një kohë të gjatë tashmë, Facebook ka menduar zgjerimin e kontrollit të kompanisë në tre platformat e saj, duke përfshirë Instagram, Whatsapp dhe Facebook. Kjo për të krijuar sinergji më të madhe mes shërbimeve të saj të përdorura nga miliarda njerëz në gjithë botën.

Së fundmi, Facebook ka filluar integrimin e Instagram në rrjetin e madh social. Tani është duke e shtyrë përpara edhe postimin paralel në disa platforma njëkohësisht. Me ndryshimin e ri, Instagram Stories tani do të mund të shpërndahen në dy platformat e saj njëkohësisht.

Sipas konfirmimit të Menaxherit të Komunikimeve në Facebook @MattNavarra, gjigandi i teknologjisë do t’ua lejojë përdoruesve të postojnë paralelisht Instagram Stories në llogarinë e tyre në Facebook automatikisht.

Opsioni për të shpërndarë Instagram Stories në Facebook ekziston edhe tani. Por, kjo kërkon klikim manual në secilin rast kur përdoruesi dëshiron ta bëjë këtë gjë.

Risia e fundit është gjithashtu e ndryshme nga zgjidhja aktuale. Kjo sepse shpërndarja manuale e një story në Facebook lejon të gjithë miqtë tuaj në Facebook ta shohin atë. Ndërkohë, opsioni i ri automatikisht do të kufizojë privilegjet e shikimit vetëm tek ato llogari të Facebook që janë të lidhura me një llogari në Instagram. Gjithashtu, dhe tek ato llogari që janë ndjekësit tuaj në Instagram. Kjo siguron që shpërndarja automatike e stories midis platformave do t’ju lejojë të keni kontrollin se kush i sheh ato.