Emotet- Së shpejti I jepet lamtumira

Emotet, një nga botnet më aktivë dhe më të rrezikshëm, është rrëzuar nga autoritetet ndërkombëtare, në një operacion të koordinuar nga Europol dhe Eurojust. Ky botnet i postës elektronike është përdorur për të shpërndarë bashkëngjitje të dëmshme të Word-it që instalojnë më tej kërcënime shtesë me qëllim të keq të njohur si TrickBot dhe Qbot.

Çfarë ka ndodhur?

Disa ditë më parë, përpjekja e përbashkët e agjencive të zbatimit të ligjit nga Gjermania, Hollanda, SH.B.A., Britania e Madhe, Lituania, Franca, Ukraina dhe Kanadaja prishën infrastrukturën e malware.

Pasi zbatimi i ligjit mori kontrollin mbi botnet, ata tani po përhapin një modul që do të çinstalojë malware-in më 25 Mars, 2021. Kjo mund të jetë një ndërprerje e madhe që do ta bëjë shumë të vështirë që Emotet të aktivizohet përsëri.

Infrastruktura e Emotet përfshinte qindra serverë të vendosur në të gjithë botën, me funksionalitete të ndryshme për të menaxhuar kompjuterët e infektuar.

Veprimet ndaj aktorëve të dyshuar

Përveç heqjes së infrastrukturës, Departamenti Ukrainas i Policisë Kibernetike arrestoi dy individë që besohet të jenë të përfshirë në mirëmbajtjen e infrastrukturës së botnet dhe mund të përballen me 12 vjet nëse shpallen fajtorë.

Përveç kësaj, bashkëpunëtorët e tjerë të një grupi të krimit kibernetik që përdorin infrastrukturën janë identifikuar. Po merren masa për ndalimin e tyre.

Të heqësh infrastrukturën e Emotet është një fitore e madhe, e cila pritet të ndihmojë në forcimin e luftës globale kundër krimit kibernetik. Për të qenë të sigurt nga sulme të ngjashme, ekspertët sugjerojnë përdorimin e një zgjidhje të besueshme anti-malware, sigurimin e trajnimit për punonjësit në identifikimin e postave elektronike phishing, dhe gjithmonë azhurnimin e sistemeve operative dhe software-it.