Dokumentet e Google do t’ju njoftojnë automatikisht për link-et e dyshimta

Google së shpejti do të paralajmërojë përdoruesit për lidhje të rrezikshme që mund të përmbajnë softuer phishing dhe malware. Përditësimi pritet të arrijë më vonë këtë vit. Kompania njoftoi se në grupin e saj do të shtohen shërbimet profesionale Google Drive.

Prezantimi dy-ditor filloi të mërkurën, më 11 maj me një fjalim vjetor që theksoi produktet, softuerin dhe shërbimet e reja që Google planifikon të zbulojë. Është një ngjarje e përqendruar te zhvilluesit – emri i referohet lidhjeve hyrëse dhe dalëse në një kompjuter – por Google e ka përdorur gjithashtu kohën për të ofruar më shumë detaje mbi ofertat e saj konsumatore. Si pjesë e festimeve, u njoftua se hapësira e punës e njohur e Google Drive do të merrte një veçori sigurie shumë të nevojshme.

Krimet e raportuara kibernetike janë ngjitur në nivele alarmante në vitin 2021. Për këtë arsye çështja e privatësisë dhe sigurisë në internet nuk ka qenë kurrë më urgjente. Në atë vit kalendarik, afër 850,000 krime kibernetike u raportuan në Byronë Federale të Hetimeve në Shtetet e Bashkuara. Kjo çoi në një shifër prej 6.9 miliardë dollarësh dëme për shkak të aktivitetit kriminal.

Termi phishing përdoret për një mashtrim në internet. Ai i shtyn përdoruesit të ofrojnë informacion personal identifikues për kriminelët që paraqiten si entitete ose autoritete zyrtare. Ndërsa malware është termi për softuerin keqdashës që është i maskuar si një aplikacion ose skedar i vlefshëm. Me një përditësim të ri në Google Drive, kompania shpreson të frenojë këtë aktivitet kriminal në platformën e tyre.

Google po përdor inteligjencën artificiale për të zbuluar në mënyrë proaktive lidhje të dyshimta që futen në Google Drive.

Sipas një postimi në twitter, kompania tha se përdoruesit do të njoftohen automatikisht . Funksioni do të kufizohet në tre aplikacionet më të përdorura në fillim – Google Docs, Sheets dhe Slides. Kompania shtoi se përdoruesit do të kthehen automatikisht në një uebfaqe të sigurt pasi të zbulohet një lidhje e dyshimtë në një dokument.

Ekziston nevoja për softuerin e zbulimit në grupin e shërbimeve të Google Drive. Pasi platforma është identifikuar si një objektiv për sulme phishing dhe malware. Një nga përfitimet e Drive është lehtësia e redaktimit me shumë përdorues. Me Google Drive, përdorues të shumtë mund të modifikojnë të njëjtin dokument, prezantim dhe të shohin ndryshimet në kohë reale. Kjo veçori është pikërisht se si mashtruesit synojnë përdoruesit pa dijeninë e tyre, sipas një njoftimi për shtyp. “Sulmuesit janë krijues dhe të vendosur – dhe me rritjen e fundit të bashkëpunimit në distancë dhe me shumë vendndodhje, ka pasur një prirje drejt modeleve të reja të sulmit brenda dokumenteve të përbashkëta”, tha Google.

Softueri i zbulimit të bazuar në AI do të kërkojë të zbulojë modele në mënyrën se si lidhjet me qëllim të keq përpiqen të arrijnë përdoruesit e Google. Kompania planifikon të inkorporojë sistemet e filtrimit brenda Gmail. Figuron të jetë një shtesë e mirëpritur në hapësirën e punës të Google Drive. Kompania pretendon se softueri mbrojtës në Gmail bllokon 99.9 për qind të sulmeve të phishing dhe malware përpara se të arrijnë te përdoruesi përfundimtar.

Google do ta përdorë këtë teknologji, me softuer që zbulon modele të ngjashme në tentativa për sulme, në një veçori të vendosur që do të shfaqet më vonë këtë vit.