Mikrosateliti ESAIL kap 2,000,000 mesazhe nga 70,000 anije në det në një ditë të vetme

Mikroseliti ESAIL, me qëllim për t’i bërë detet më të sigurta, merr më shumë se dy milion mesazhe nga 70,000 anije në një ditë të vetme.

Sateliti i besueshëm me performancë të lartë u zhvillua si një Projekt i Partneritetit ESA për të ndihmuar kompanitë europiane dhe kanadeze të hapësirës të kenë sukses në tregun konkurrues global të telekomunikacionit.

Kjo i mundëson industrisë, autoriteteve detare dhe qeverive për të monitoruar peshkimin, për të menaxhuar flotat, për të mbrojtur mjedisin dhe për të rritur sigurinë, duke i bërë detet më të sigurta.

ESAIL gjurmon anijet në të gjithë botën duke zbuluar mesazhe që transmetojnë në radio me sistemet e tyre automatike të identifikimit, duke u mundësuar atyre që të identifikohen edhe kur janë larg në det, në distanca të largëta nga stacionet e monitorimit me bazë bregdetare.

Në hapin e parë, platforma u vërtetua nga prodhuesi i saj në Luksemburg, LuxSpace, i cili përfshiu një numër ndërmarrjesh të vogla dhe të mesme europiane, që konfirmuan performancën e shkëlqyeshme të ESAIL për shërbimet detare operacionale.

Në hapin e dytë shumë më kompleks, marrja dhe përpunimi i të dhënave të sistemeve automatike të identifikimit të anijeve u vërtetuan nga operatori kanadez i ESAIL exactEarth. Ishte gjatë këtij procesi që ESAIL kapi më shumë se dy milion mesazhe nga 70,000 anije të ndryshme në një ditë të vetme, që përfaqëson 15%-20% shkallë më të mirë të zbulimit sesa satelitët e mëparshëm.

Performanca e satelitit u optimizua duke përdorur përpunimin adaptiv në bord dhe në tokë për të maksimizuar numrin e mesazheve të anijeve të zbuluara në zona me trafik të lartë, të tilla si Deti i Veriut dhe Deti i Kinës Jugore.

Operatori i tij exactEarth tani po integron ESAIL në flotën e saj të satelitëve, të cilat ofrojnë shërbime detare për klientët duke përfshirë peshkimin, doganat, kërkim-shpëtimin dhe agjencitë e mbrojtjes së mjedisit, si dhe Agjencinë Evropiane të Sigurisë Detare.

Peter Mabson, Kryeshefi Ekzekutiv i exactEarth, tha: “ESAIL, me ngarkesën e sofistikuar të spektrit të mostrave dhe aftësitë multipolare të antenës, ofron një performancë të jashtëzakonshme të zbulimit të anijeve dhe ne jemi shumë të kënaqur që e sjellim këtë mikrosatelit të përparuar në shërbimin operacional.

“Falënderimet tona shkojnë për ESA dhe LuxSpace dhe të gjithë ekipin evropian të prodhimit të satelitëve për rolin e tyre në këtë arritje mbresëlënëse.”

Oliver Salisch, Drejtor Menaxhues i LuxSpace, tha: “LuxSpace është jashtëzakonisht krenar për performancën dhe fleksibilitetin e ekspozuar nga platforma Triton-2, e cila ka tejkaluar pritshmëritë e klientëve dhe ka lejuar optimizimin e performancës në orbitë. Kjo tregon aftësitë e LuxSpace për të ofruar zgjidhje teknike efektive dhe të besueshme për klientët në të gjithë botën.

“Këto rezultate ishin të mundshme për shkak të bashkëpunimit jashtëzakonisht të frytshëm me ESA dhe exactEarth në zgjidhjen e sfidave të përditshme.”

Projekti ESAIL u mbështet nga Agjencia Hapësinore e Luksemburgut dhe vendet e tjera anëtare të ESA.

Marc Serres, Kryeshefi Ekzekutiv i Agjencisë Hapësinore të Luksemburgut, tha: “Ky mikrotelit detar, i ndërtuar nga integruesi kryesor i sistemit LuxSpace në Luksemburg në partneritet me ESA, demonstron se si një kompani private dhe ESA mund të punojnë ngushtë së bashku për të zhvilluar një produkt të ri tregtar.

“Është një demonstrim tjetër i prekshëm i suksesit të strategjisë hapësinore të Luksemburgut, i përqendruar në krijimin e një ekosistemi tërheqës për kompanitë NewSpace dhe sipërmarrësit inovativë të hapësirës.”

Projektet e Partneritetit të ESA synojnë të zhvillojnë sisteme të qëndrueshme, deri në vlerësimin dhe miratimin në orbitë.

Elodie Viau, Drejtor i Telekomunikacionit dhe Aplikacioneve të Integruara në ESA, tha: “ESAIL është një shembull i përsosur se si ESA mund të ndihmojë në gjenerimin e një vlere të konsiderueshme dhe të prekshme nga inovacionet reja nga platformat hapësinore.

“Ne shohim në zhvillimin e aseteve hapësinore përmes lenteve të aplikacioneve të tyre të lidhura me Tokën, përfitimeve të tyre shoqërore dhe ekonomike dhe logjikës së biznesit të partnerëve tanë tregtarë.

“Hapësira na bashkon më shumë ne në Tokë. ESAIL tregon se si ESA dhe agjencitë europiane hapësinore janë në gjendje të krijojnë partneritete unike publike-private dhe të bashkojnë pikat e tyre të forta institucionale, kërkimin dhe njohuritë e tyre inxhinierike me përsosmëri industriale, objektiva ambiciozë të biznesit dhe një fokus të qartë në përparësitë e tregut.”