Roboti Pepper bisedon me veten e tij për të përmirësuar ndërveprimet e tij me njerëzit

E keni menduar ndonjëherë pse asistenti juaj virtual i shtëpisë nuk i kupton pyetjet tuaja? Apo pse aplikacioni juaj i navigimit ju çoi në rrugën dytësore në vend të autostradës? Në një studim të botuar në 21 Prill në revistën iScience, studiuesit italianë krijuan një robot që “mendon me zë të lartë” në mënyrë që përdoruesit të mund të dëgjojnë procesin e tij të mendimit dhe të kuptojnë më mirë motivimet dhe vendimet e robotit.

“Nëse do të ishit në gjendje të dëgjonit se çfarë po mendojnë robotët, atëherë roboti mund të jetë më i besueshëm,”- thotë bashkëautori Antonio Chella, duke përshkruar idenë e autores së parë Arianna Pipitone që nisi studimin në Universitetin e Palermo. “Robotët do të jenë më të lehtë për t’u kuptuar dhe ju nuk keni nevojë të jeni teknik ose inxhinier. Pra, ne mund të komunikojmë dhe bashkëpunojmë më mirë me robotin.”

E folura e brendshme është e zakonshëm tek njerëzit dhe mund të përdoret për të fituar qartësi, për të kërkuar udhëzime morale dhe për të vlerësuar situatat në mënyrë që të merrni vendime më të mira. Për të eksploruar se si e folura e brendshme mund të ndikojë në veprimet e një roboti, studiuesit ndërtuan një robot të quajtur Pepper që bisedon me vete. Ata më pas i kërkuan njerëzve që të shtronin tryezën e darkës me Pepper sipas rregullave të mirësjelljes për të studiuar se si aftësitë e vetë-dialogimit të Pepper ndikojnë në bashkëveprimet njeri-robot.

Shkencëtarët zbuluan se, me ndihmën e vetë-dialogimit, Pepper është më i mirë në zgjidhjen e dilemave. Në një eksperiment, përdoruesi i kërkoi Pepper të vendoste pecetën në vendin e gabuar, duke kundërshtuar rregullin e mirësjelljes. Pepper filloi t’i bënte vetes një seri pyetjesh të drejtuara vetë dhe arriti në përfundimin se përdoruesi mund të jetë i hutuar. Për të qenë të sigurt, Pepper konfirmoi kërkesën e përdoruesit, gjë që çoi në të folur të brendshme të mëtejshme.

“Ehm, kjo situatë më shqetëson. Unë kurrë nuk do t’i shkelja rregullat, por nuk mund ta shqetësoj atë, kështu që po bëj atë që ai dëshiron,”- tha Pepper me vete, duke vendosur pecetën në vendin e kërkuar. Përmes zërit të brendshëm të Pepper, përdoruesi mund të gjurmojë mendimet e tij për të mësuar se Pepper po përballej me një dilemë dhe e zgjidhi atë duke i dhënë përparësi kërkesës së njeriut. Studiuesit sugjerojnë që transparenca mund të ndihmojë në krijimin e besimit njeri-robot.

Duke krahasuar performancën e Pepper me dhe pa të folur të brendshme, Pipitone dhe Chella zbuluan se roboti kishte një normë më të lartë të përfundimit të detyrës kur kryente vetë-dialogim. Falë të folurës së brendshme, Pepper tejkaloi kërkesat standarde ndërkombëtare funksionale dhe morale për robotët bashkëpunues; udhëzimet që ndjekin makineritë, nga AI humanoid deri te krahët mekanikë në linjën e prodhimit.

“Njerëzit ishin shumë të befasuar nga aftësia e robotit,”- thotë Pipitone. “Qasja e bën robotin të ndryshëm nga makinat tipike sepse ai ka aftësinë të arsyetojë, të mendojë. E folura e brendshëm mundëson zgjidhje alternative për robotët dhe njerëzit për të bashkëpunuar dhe për të dalë nga situatat e ngërçit.”

Megjithëse dëgjimi i zërit të brendshëm të robotëve pasuron bashkëveprimin njeri-robot, disa njerëz mund ta konsiderojnë atë joefikas sepse roboti shfrytezon më shumë kohë duke përfunduar detyrat kur bisedon me veten. E folura e brendshme e robotit është gjithashtu e kufizuar në njohuritë që i dhanë studiuesit. Akoma, Pipitone dhe Chella thonë se puna e tyre ofron një kornizë për të eksploruar më tej sesi vetë-dialogimi mund t’i ndihmojë robotët të përqendrohen, planifikojnë dhe të mësojnë.

“Në një farë kuptimi, ne jemi duke krijuar një robot që i pëlqen të bisedojë,”- thotë Chella. Autorët thonë se, nga aplikacionet e navigimit dhe kamera në telefonin tuaj deri te robotët mjekësorë në dhomat e operacionit, makineritë dhe kompjuterët mund të përfitojnë nga kjo veçori bisedimi. “E folura e brendshme mund të jetë e dobishme në të gjitha rastet kur ne i besojmë kompjuterit ose një roboti për vlerësimin e një situate,”- thotë Chella.