Starlink po teston një shërbim interneti ‘Global Roaming’ për 200 dollarë në muaj

Starlink po teston një shërbim të ri të internetit satelitor. Ky shërbim do t’u mundësojë “që të lidheni pothuajse nga çdo vend i botës”. Kjo sipas një mesazhi që disa përdorues të Starlink kanë marrë. Kompania nën pronësinë e SpaceX këtë e quan “Shërbimi Global i Roaming-ut”. Ajo thotë se do të kushtojë 200 dollarë në muaj si shtesë e pagesës bazë prej 599 dollarëve për Starlink Kit.

Shërbimi i cili përdorë “lidhjet ndër-satelitore të Starlink për të ofruar lidhje në internet në mbarë botën” vjen me një paralajmërim. Në mesazhin e tyre për përdoruesit, Starlink thotë se duhet të presim “shërbimin tipik të Starlink me shpejtësi të lartë, me vonesë të ulët të përzier me periudha të shkurtra lidhjeje të dobët, ose aspak pengesa”. Kjo do të “përmirësohet në mënyrë dramatike me kalimin e kohës.

Gjithashtu nuk është e qartë se si Starlink do t’i përmbahet premtimit të saj që të ofrojë internet pothuajse nga gjithkund. Starlink ende po pret në aprovimet e rregullatorit në disa vende, duke përfshirë Indinë, Pakistanin dhe Kamboxhian. Ai është plotësisht i padisponueshëm në shumë vende të tjera.

Pavarësisht kësaj, PCMag raporton se Starlink po ofron shërbimin Global Roaming. Kjo për disa përdorues jashtë zonave të mbulimit të kompanisë, si Greenland.

Starlink bën që plani i Global Roaming të tingëllojë si një mënyrë për të udhëtuar nëpër botë. Kjo duke përdorur internetin satelitor të kompanisë. Ashtu si plani RV, përdoruesit mund të ndalojnë shërbimin Global Roaming në çdo kohë. Ne ende nuk e dimë nëse Starlink do t’u japë përparësi hyrjes në internet përdoruesve që regjistrohen për planin. Gjithashtu siç theksohet nga Starlink, përdoruesit jashtë SHBA-së janë ‘përgjegjës për të vepruar si Importuesi për Kompletin Starlink. Kjo do të thotë që klientët do të duhet të sigurojnë që kompleti të jetë në përputhje me ligjet dhe rregulloret lokale. Gjithashtu ata duhet të paguajnë detyrimet doganore dhe taksat e importit.