WhatsApp ka afat deri në korrik për të respektuar ligjin e BE-së për konsumatorët, thotë BE

BRUKSEL – WhatsApp i Meta ka kohë deri në korrik për të treguar se një përditësim i politikës së privatësisë i prezantuar në janar është në përputhje me ligjin e konsumatorit të BE-së. Kështu tha Komisioni Evropian të mërkurën, në një rast të nxitur nga ankesat nga organet e konsumatorëve në të gjithë Evropën.

WhatsApp nuk i kishte shpjeguar ndryshimet në gjuhë të thjeshtë dhe të kuptueshme  për konsumatorët. Kështu u shpreh Organizata Evropiane e Konsumatorit (BEUC) dhe Rrjeti Evropian i autoriteteve të konsumatorëve.

Zbatuesit kombëtarë kanë fuqinë për të vendosur sanksione ndaj kompanive që zbulohen se shkelin ligjet e konsumatorit.

Rrjeti i Bashkëpunimit për Mbrojtjen e Konsumatorit përbëhet nga vëzhgues kombëtarë të konsumatorëve dhe i mbështetur nga ekzekutivi i BE-së. Ai dërgoi një letër në WhatsApp në janar duke kërkuar sqarime mbi politikën e përditësuar të privatësisë.

Rregullatorët thanë se një përgjigja e kompanisë nuk i bindi ata. Për këtë arsye ata dërguan një letër të dytë të mërkurën.

“WhatsApp duhet të sigurojë që përdoruesit të kuptojnë se për çfarë po bien dakord. Ata duhet te dine se si të dhënat e tyre personale përdoren për qëllime komerciale. Gjithashtu për të ofruar shërbime për partnerët tregtarë”, tha në një deklaratë shefi i drejtësisë i Komisionit, Didier Reynders.

WhatsApp tha se do t’i përgjigjet letrës në kohën e duhur.

“Përditësimi ynë i vitit 2021 nuk e ndryshoi angazhimin tonë ndaj privatësisë së përdoruesit ose mënyrën se si e operojmë shërbimin tonë, duke përfshirë mënyrën se si ne përpunojmë, përdorim ose ndajmë të dhënat me këdo, përfshirë Meta-n,” tha një zëdhënës.